انسان اور معاشرے کی مکمل تبدیلی نبی پاک صلی اللہ علیہ وآلہ وسلم کے اللہ تعالی پرایمان، انسانیت کے لیے محبت اور آپ صلی اللہ علیہ وآلہ وسلم کی عظیم الشان سیرت کی وجہ سے ہے۔ بلاشبہ آ پ صلی اللہ علیہ وآلہ وسلم کی حیات مبارکہ تقلید کے لیے بہترین نمونہ عمل ہے۔ آپ صلی اللہ علیہ وآلہ وسلم کی حیات مبارکہ کے بارے میں حضرت عائشہ رضی اللّٰہ تعالیٰ عنہا سے سوال کے جواب میں فرمایا

آپ صلی اللہ علیہ وآلہ وسلم کے اخلاق حسنہ اور سیرت قرآن پاک کی زندہ مثال ہیں۔ نوع انسانی کے نجات دہندہ کے بارے میں آخری الفاظ قرآن پاک میں یہ ہیں۔

اے نبی صلی اللہ علیہ وآلہ وسلم یقینا ہم نے تمہیں بھیجا گواہ بناکر، بشارت دینے والا اور ڈرانے والا بنا کر بھیجا اور اللہ کی اجازت سے اس کی طرف دعوت دینے والا بنا کر اور روشن چراغ بنا کر'۔